కామ్రేడ్ ఓంకార్ గారికి జోహార్లు
భూమి కోసం భుక్తి కోసం
వెట్టి చాకిరి విముక్తి కోసం
నిజాం దొరలపై గురిపెట్టిన
తుపాకీ తూటా ఆయన
ఆయన పేరు వింటే
నిస్వార్ధత గుర్తుకు వస్తుంది
నిరాడంబరత్వం
వుట్టి పడుతుంది
ఆయన రాజకీయాలకు
విలువలు అద్దిన
దురంధరుడు
అపర మేధావి
ఆయన పేదల పక్షపాతి
అయినను చట్టసభలు
ఇష్టపడతాయి
ఆయన మాటలు వింటాయి కూడా
సమస్యలపై ధారాళంగా
గళమెత్తితే ఆయనను
అసెంబ్లీ”లే” టైగర్ అని
పిలిచింది
ఆయన గురించి వింటే
మరణాన్ని ముద్దాడిన
మృత్యుంజయుడు
గుర్తుకొస్తాడు
కత్తి పోట్లు,నాటు బాంబులు
తుపాకీ తూటాలు
ఆయనకు
వంగి సలాం చేస్తాయి
పేదలకు పెద్దన్న
శ్రామికుల శ్రమజీవి
ఆయన బహుజనుల స్వప్నం
పోరాటాల పొద్దు పొడుపు
పల్లెలన్నీ ఓంకార్ సాబ్ గా
పిల్చుకుంటాయి
అన్ని తరగతుల వారికి
ఆయన ఆత్మీయ బంధువు
ఆయన నేటి తరానికి
రేపటి తరానికి కూడా
ఆదర్శప్రాయుడు
స్వార్థమేరుగని యోధుడు
మార్క్సిస్టు సిద్ధాంతంతో
కమ్యూనిస్టు ఆశయంతో
బహుజన ఆలోచనతో
అయిన ఓంకార్ అయ్యాడు
వామపక్షాల ఐక్యత
సామాజిక శక్తుల సమీకరణ నే
కర్తవ్యంగా భావించిన ఆయన
ప్రజా ఉద్యమాల బాటసారి
ఆర్థిక,రాజకీయ,సామాజిక
సమానత్వ
సాధనకు,సాధికారతకు
ఆయన నినాదాల గొంతుక
కుల-మత ప్రాంతీయతత్వ
దోపిడి,అసమానతలు లేని
నవ సమాజ నిర్మాణ
ఉద్యమాలకు ఊపిరి ఆయన
అగ్రవర్ణాల ఆధిపత్య
పెట్టుబడి దారికి,దోపిడీకి
వ్యతిరేక పోరాటాలకు
ఆయన మార్గదర్శకులు
బహుజన బంధువు
శ్రామిక వర్గాల ఆశాజ్యోతి
సమస్త ప్రజల సమానత్వ
నినాదం ఆయన
ఎంసిపిఐ(యు) వ్యవస్థాపకులు
మాజీ శాసనసభ్యులు అమరజీవి
కామ్రేడ్ మద్దికాయల ఓంకార్ గారికి
సామాజిక విప్లవ జోహార్లు
ఆయనకు
ఘన నివాళులు…