విజయభారతి :నందిపేట్: న్యూస్ జూలై 11
కేంద్ర హోంశాఖ సహాయ మంత్రి, కరీంనగర్ పార్లమెంట్ సభ్యుడు బండి సంజయ్ కుమార్ జన్మదినాన్ని పురస్కరించుకుని నందిపేట్ మండలంలోని వన్నెల్(కె) గ్రామంలో డాక్టర్ విజయ్ తన సొంత క్లినిక్లో పేద ప్రజలకు ఉచిత వైద్య సేవలు అందించారు.ఈ సందర్భంగా గ్రామ ప్రజలకు ఉచితంగా వైద్య పరీక్షలు నిర్వహించి జ్వరం, మోకాళ్ల నొప్పులు, షుగర్, బీపీ తదితర ఆరోగ్య సమస్యలకు చికిత్స అందించారు. అవసరమైన వారికి ఉచితంగా మందులను పంపిణీ చేశారు.బండి సంజయ్ కుమార్ జన్మదినం సందర్భంగా గ్రామీణ ప్రాంతంలోని పేద ప్రజలకు ఉచిత వైద్య సేవలు అందించడం పట్ల గ్రామస్తులు హర్షం వ్యక్తం చేశారు. ఈ కార్యక్రమంలో డాక్టర్ విజయ్తో పాటు క్లినిక్ సిబ్బంది పాల్గొన్నారు.