విజయభారతి : హైదరాబాద్ న్యూస్ Jul 18, 2026,
ఇందిరమ్మ ఇళ్ల రెండో జాబితా ఎప్పుడు?
తెలంగాణ : ఇందిరమ్మ ఇళ్ల మొదటి జాబితా విడుదలై ఎనిమిది నెలలు గడిచినా, రెండో జాబితాపై ఎటువంటి ప్రకటన లేకపోవడంతో లబ్ధిదారుల్లో అసంతృప్తి నెలకొంది. మొదటి జాబితాలో ఎంపికైన కొందరు మాత్రమే ఇళ్ల నిర్మాణాలు పూర్తి చేయగా, మరికొందరు నిధుల కొరతతో పనులు మధ్యలోనే ఆపేశారు. జూన్ 2న రెండో జాబితా విడుదల చేస్తామని మంత్రి పొంగులేటి శ్రీనివాస్ రెడ్డి ప్రకటించినా, ఆ హామీ ఇంకా నెరవేరలేదు. నిర్మాణం పూర్తయిన వారికి చివరి బిల్లులు, ఉపాధి హామీ కింద చెల్లించాల్సిన మొత్తాలు పెండింగ్లో ఉండటంతో లబ్ధిదారులు ఆర్థిక ఇబ్బందులు ఎదుర్కొంటున్నారు. ప్రభుత్వం వెంటనే రెండో జాబితా ప్రకటించాలని వారు కోరుతున్నారు.